We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Aues u N​ü​t

by FLOH VON GRÜNIGEN

supported by
André
André thumbnail
lokalradio
lokalradio thumbnail
drimiro
drimiro thumbnail
dominikhuber
dominikhuber thumbnail
skywise
skywise thumbnail
/

  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      10 CHF  or more

     

1.
Aues u Nüt 03:32
lyrics
buy track
sit i di ha hani aues sit i di ha fäut mr nüt meh u we si frage bruchsch irgendöpis de sägeni de lüt vo dir brucheni aues u süsch brucheni nüt sit i di ha hani aues sit i di ha bruchi nüt meh u we si frage was wosch de itz mache de sägeni de lüt mit dir macheni aues u süsch macheni nüt sit i di ha hani würklech aues sit i di ha hani sogar angscht u we si frage chame irgendwie häufe de sägeni de lüt vo dir hiuft mr aues u süsch hiuft mr nüt sit i di ha hani aues sit i di ha wotti nüt meh u i weiss dass si säge mi chönn nid aues ha wome wett aber i wott ja o nid aues nume vo dir u süsch nüt
2.
Büebu 03:54
lyrics
buy track
ä büebu steit ar strass zmitts im firabeverchehr u schiesst uf aui outo mit sim spielzüggwehr u woni uf mim velo chume da hautet er mi a u är seit gäut oder läbe un i giben ihm aues woni ha när seit är das won är hie machi sig nid rächt är wüssis scho när stigt er uf mis velo u fahrt mit au mim züg dervo zersch gspüreni nüt u när chunnt di grossi wuet u i wett dä bueb verbrätsche dass ihm no ewig leid tuet da gsehni mis gsicht imne schoufänschter u es faut mir wieder i gwaut macht aues schlimmer u aues schlimmer mache wott i ni i loufe los ar strass shet ging no vieu verchehr u plötzlech ligt vor mir am bode büebus spilzüggwehr
3.
Chli komisch 05:26
lyrics
buy track
i fahre überne waud us riese kaktüs uf schmale roschtige schine vore achterbahn dr hindergrund wines betriebssystem vo apple zwüsche sierra nevada u mühlehorn e auti frou mit emne rollator rüeft lueget duss e steppe, ganz e chlini dert stöh grosstrappe mit wissbrun haubierte rügge wo usgseh wi gelati gasparini u scho im troum ischs mr chli komisch vorcho es het e bahnhof gha im längeschache aber richtig komisch ischs mr ersch vorcho bim erwache bi üs ds zöisimme dunde am port het e lawine öpper begrabe im schnee u i u mi vatter wette rette aber wäge irgendwelche regle dörfe mr ni när landet d rega ganz i dr nechi u i merke weme itz würd afa schufle wärs nüm wit aber i däm momänt gseht me düre schnee u dass dert nume e perserteppich überem bode schwäbt u scho im troum ischs mr chli komisch vorcho ir wöschchuchi vom spital het öpper bache aber richtig komisch ischs mr ersch vorcho bim erwache mir hei es hus kouft abgläge wi plaffeie am ändi vonere aute allee die het diräkt ines verlassnigs hotel gfüehrt u ersch weme bi däm het d feuläde ufta het mes gseh im hus hets rächts numene ganz e länge gang gha u zhingerscht e lääre schaft mit chleiderbügle u lings e tür zumne zimmer ohni fänschter u mir hei eiglech gar nid wöue zügle u scho im troum ischs mr chli komisch vorcho im hotel hei si afa zmorge mache aber richtig komisch ischs mr ersch vorcho bim erwache mi brüetsch u i spile versteckis ufemne gstell bis dr wale vom zigzag seit es göng kabutt när räppet mi brüetsch zumne videorückblick vo däm morge wo sis iphone vo säuber zämegstellt het u ufem heimwäg hets homöopatische globuli gschneit u i ha mi amne brunne müesse wäsche när isch e marschmusig ume egge cho u i ha mini chappe wider gfunde ire täsche u scho im troum ischs mr chli komisch vorcho d chappe het usgseh wie nepomuk dr haubdrache aber richtig komisch ischs mr ersch vorcho bim erwache
4.
Derfür u derwidr 04:31
lyrics
buy track
es isch wi lue mau bauer ledig sucht es isch wi uf d zite tue für wemes nomau brucht es isch wi im momänt gits gloub 193 länder es isch wi i würd nid alähne bi däm gländer es isch wi es si gueti ländlerfründe es isch wi imne jahr chasch wider chünde es isch wi d gürt vo üsne polizischte es isch wi scho wider e gratis zum mitnehmen chischte es isch wi d sicherheitsvorschrifte si strenger worde es isch wi mir müesse luege dass d chind nid überborde es isch wi d intelligänz vom ganze schwarm es isch wi für d schneekanone ischs ging no zwarm es isch wi churz ufe videoschiedsrichter warte es isch wi es git e töifgarage under üsem garte es isch wi hinge ufem gepäcktreger u nid wüsse wohäre mit händ u füess es isch wi i bi nid sicher öb i wett oder öb i müess es isch derfür u derwider es isch derfür u derwider es isch derfür u derwider u derfür es isch derwider es isch wi ds ändi vore erschte pandemie es isch wi dr chinderzoo vom zirkus knie es isch wi zuckerwatte ufbewahre es isch wi fasch 25 grad i dr aare es isch wi früecher isch o nid aues besser gsi es sich wi mir hei haut diräkti demokratie es isch wi i mache nume gschpass es isch wi es chunnt drufa wele pass es isch wi mindestens haltbar bis siehe tubenfalz es isch wi wetsch lieber fleur de sel oder chrütersalz? es isch wi i würd das mau no offe la es isch wi wed itz grad bschtellsch ischs morn scho da es isch wi 30 000% vom tagesbedarf a vitamine es isch wi estavayer het doch e lift zum wasserschine es isch wi 1994 patent ochsner gmües es isch wi i bi nid sicher öb i wett oder öb i müess es isch derfür u derwider es isch derfür u derwider es isch derfür u derwider u derfür es isch derwider
5.
Geschter 02:21
lyrics
buy track
geschter hani hie öppis gseh woni no nie vorher irgendwo ha gseh u itz bini wieder da u nüm sicher öbis ha würklech gseh oder nume tröimt wüu hüt egau wi guet i luege gesehnis niene meh gesehnis niene meh geschter hani hie öppis gseh u i hät nie dänkt dasses das würklech git u du chönnsch aues gloube wode mit de eigne ouge gseh heigsch u drum bisch du itz o da aber hüt egau wi guet mir luege gsehmers niene meh gsehmers niene meh itz hocke du u i näb dr aute industrie uf emne usangierte wage u warte u grad wo mir finde es passier hüt äuä nümme ischs plötzlech vürecho aber hüt egau wi gärn i luege so wi geschter isches nid so wi geschter isches nid
6.
Hüt am Morge früech 04:19
lyrics
buy track
hüt am morge früech wos no fischter isch gsi het e ma im neonliecht e chuchi gwüscht u i däm momänt hani begriffe wo d wäut dräit u wieso hüt am morge früech wos no fischter isch gsi het e zunkönig näbem trottoir ganz lut gsunge u i däm momänt hani begriffe wi d zit louft u wieso u das woni begriffe ha woni ha gseh u ghört das bhauti itz für mi u das wo süsch niemer het gemerkt wo ussert mir niemer weiss das verrateni nid hüt am morge früech wos no fischter isch gsi ischs so chaut gsi dass i ide fingerhändsche d fuscht ha gmacht u i däm momänt hani begriffe was läbe isch u wieso hüt am morge früech wos scho häuer isch gsi hets ar böshautstell plötzlech gschmöckt wi deheim u i däm momänt hani begriffe was nachem tod chunnt u wieso u das woni begriffe ha woni ha gspürt u gschmöckt das bhauti itz für mi u das wo süsch niemer het gmerkt wo ussert mir niemer weiss das chamer niemer nä hüt so gäge mittag woni langsam hunger ha gha hets afa zuetue u när e haube meter gschneit u i däm momänt bini nüm sicher gsi werum u wieso
7.
Mis schwache Härz 02:57
lyrics
buy track
mis schwache härz das hani vo mim vater mis schwache härz hani vo ihm aber mis schwache härz das het mi vater vo sim vater u für das chaner nüt derfür mini lingge händ di hani vo mir mueter mini lingge händ het si mir gäh und obwohl mir mini mueter ihri lingge händ het gä het si iri immer no u wenn i säuber chind hät - de gieb i ne aues won i ha übercho u wenn i säuber chind hät - de hättesi viu vo däm won i ha nächer o mi wach geischt dä hani vo mim vater mi wach geischt hani vo ihm aber mi wach geischt dä het mi vater vo sim vater u für dä chaner nüt derfür mini gueti seel di hani vo mir mueter mini gueti seel het si mir gäh und obwohl mir mini mueter ihri gueti seel het gä het si iri immer no aber wüu i nie säuber chind ha - wirden i au das guete woni ha nid los aber wüu i nie säuber chind ha - isch mr de mau am schluss derfür o niemer bös
8.
Stärnschnuppe 02:58
lyrics
buy track
es chunnt mr jedes mau i sinn i chönnt mir itz öppis wünsche wenn i ir nacht irgendwo i himu ufe luege un e stärnschnuppe abegheit derbi weiss i dass nume stoub isch wo ir atmosphäre verglühet u mängisch geit e wunsch i erfüllig mängisch nid aber wünsch simne stärn schnuppe u glich studieri immer hin u här öb i mir itz öppis söu wünsche wenn i ir nacht irgendwo i himu ufe luege un e stärnschnuppe abegheit es chunnt mr nid jedes mau öpis i sinn woni mir itz chönnt wünsche wenn i ir nacht irgendwo i himu ufe luege un e stärnschnuppe abegheit derbi weiss i dass hüfig gar nid vieu brucht dass e wunsch i erfüllig geit mängisch chame mache was me wott es nützt nüt mängisch längt e stärnschnuppe u drum ischs guet studieri hin u här was i mir itz chönnt wünsche wenn i ir nacht irgendwo i himu ufe luege un e stärnschnuppe abegheit
9.
Vorhäng 02:19
lyrics
buy track
amne heiterhäue tag hei mir d vorhäng zoge u zit isch plötzlech blibe stah u zit isch glichzitig verfloge mir hei nüm gspürt wär wo afat u wär vo üs wo fertig isch amne heiterhäue tag hei mir üs la ga u mir hei gspürt mir chöi üs häbe aber nid für immer ha u mir hei d vorhäng ersch wieder ufta wos dusse langsam dunkel worde isch
10.
Zug im Buech im Zug 05:22
lyrics
buy track
woni hüt am morge im zug bi gsässe da hani es buech füregno u i däm buech isch e frou imne zug in gsässe u het es buech vüregno i ha mi zug um mi schnäu vergässe bi meh i mim buech inne gsi d frou im buech het es buech uf autgriechisch gläse när isch si unterbroche worde derbi isch da scho bsetzt het e ma wöue wüsse u isch eifach abghocket visavis u het afa frage wohär si chöm u öb ds buech guet sig u si het ja gseit u meh ni bis hie hätt di gschicht o i mim zug chönne spiele vilich isch d alice munro hie o scho gsi vor ussicht här wär i lieber im zug vo däm buech aber ds buech im buech interessiert mi ni uf dr nächschte site isch d frou i ussichtswage gflüchtet vor irem fänschter schneits d taiga i vo toronto bis vancouver het me zit zum überlege wär me isch u wo me wet si när het dr zug im buech im wald bi dunkurote hüser ghautet d lüt si usgstige u wider i i luege vo mim buech uf u bi mim zug usem fänschter u gseh mir fahre ds münsige verbi wo si im buech wider losgfahre si hets plötzlech e ruck gä när isch totestilli gsi u irgendwenn isch uscho es isch öpper undere zug u zwar dä ma vo visavis i klappe ds buech zue mir chöme a un i dänke zum glück nume im buech u nid bi mim zug o aus autorin cha si aues la passiere aus passagier mues is näh wies wott cho

about

„Die Instrumente klingen super“
R.S. aus T.

„sehr inspirierend“
K.Z. aus O.

„Hammer“
J.H. aus B.

„wunderbare Begleitung auf dem Waldspeziergang“
M.B. aus B.

„derfür u derwider 👏👏👏“
F.M. aus W.

„Irgendwo zwischen Heiniger und Eicher, aber mit geilerern Texten“
C.H. aus S.

„Nicht mein Geschmack, aber man spürt und hört schon, was Substanz und eine gewisse Tiefe hat“
D.J. aus B.

„Zum Glück hast du aufgehört dich hinter dem Hochdeutsch zu verstecken, forever Bern“
R.L. aus B.

credits

releases March 18, 2037

Aufgenommen im Februar 2023.

Gesang und Gitarre: Floh von Grünigen
Saxofone und Keyboards: Stefan Rolli
Bass: Robert Aeberhard
Schlagzeug und Perkussion: Sämi Baur

Musik und Text: Floh von Grünigen
Aufnahme: Sämi Baur, Audiokonzept
Mix und Master: Oli Bösch

Grosszügig unterstützt von Kanton und Stadt Bern, Kulturprozent Migros Aare, Stadt Thun, Burgergemeinde Bern

license

all rights reserved

tags

about

FLOH VON GRÜNIGEN image

FLOH VON GRÜNIGEN Bern, Switzerland

Floh von Grünigen lebt in einer schönen und wunderlichen Welt. Alles und nichts drängen ihn zum Ausdruck in Text, Bild und Ton.

contact / help

Contact FLOH VON GRÜNIGEN

Streaming and
Download help

Redeem code

Report this album or account

If you like FLOH VON GRÜNIGEN, you may also like:

Bandcamp Daily  your guide to the world of Bandcamp

On Bandcamp Radio

Featuring Riley Pinkerton (aka The Rat Queen) from the theatrical NYC rockers, Castle Rat.
listen now